Nú byrjar dialysuviðgerð á Suðuroyar sjúkrahúsi

Mánadagin 4.mars  byrjar dialysuviðgerð á Suðuroyar sjúkrahúsi. 

Tað boðar leiðslan fyri Sjúkrahúsverkið frá.

Heilsumálaráðið sigur í tíðindaskrivi, at leiðslan fyri Sjúkrahúsverkið hevur saman við fakfólki á økinum arbeitt við at skipa trygga og góða dialysuviðgerð á dialysu-satelittinum á Suðuroyar sjúkrahúsi, og nú eru øll viðurskifti komin í rættlag. 

Dialysuviðgerðin í Suðuroy verður framd undir læknafakligari ábyrgd av serlæknum í nýrasjúkum á Landssjúkrahúsinum, sigur Heilsumálaráðið.