Vinus og Vimús aftur í sjónvarpinum

Vinus og Vimús aftur í sjónvarpinum
Nýggir partar av málmennandi barnasendingini um Vinus og Vimús vera í næstum á skránni í sjónvarpinum og sjálvandi eisini í VIT-appini og á heimasíðuni
Tað hevur verið rokaligt í kringvarpshøllini seinastu vikurnar. Vinus og Vimús er sera fitt røð til tey yngstu.
Mynd: Bjarni Árting Rubeksen  
 
23.02.2024 - 13:27

Vinus og Vimús eru aftur við nýggjum umfari. Talan er um 10 nýggjar partar, og fyrsti nýggi parturin verður vístur 1. mars.

Vinus og Vimús er føroysk barnarøð til børn frá 2 til 6 ár. Men øll kunnu sjálvandi hyggja. Eisini vaksin!

Nógvur góður tónleikur er við í Vinusi og Vimús.


Vit eru stødd inni hjá Vinusi, hann er ein fittur vinur, sum dugir væl at finna upp á og siga frá og eisini at spæla tónleik. Har eru nógvir vakrir litir at hyggja at.

Og í bókahillini sita bamsur í hópatali, bæði stórar og lítlar, og har eru eisini nógvar góðar bøkur, og har eru eisini nógvar stuttligar leikur at spæla við. 

Inni undir hillini býr Vimús. Vimús býr í músaholini undir bókahillini, tað er ein sera hugnalig hola hjá eini mús at vera í.

Vimús hjálpir til at klippa sendingina.


Hvørja ferð finna Vinus og Vimús upp á okkurt nýtt. Og hvørja ferð ber eisini til at læra okkurt nýtt og stuttligt. Hóast sumt er torført at gera, og sumt er torført at siga, so vísa Vinus og Vimús, hvussu tú skalt gera og siga, og so er tað knappliga einki fyri.

Hvønn dag fer Vimús at lesa eina góða bók. Og hvønn dag fer Vinus at syngja og spæla ein sang, og tá klívur Vinurin inn gjøgnum vindeygað og fer at syngja og spæla við, hann hevur altíð eitt nýtt ljóðføri við.

Nær: Í sjónvarpinum hvørt fríggjakvøld frá 1. mars klokkan hálvgum sjey. Og altíð á VIT-appini.

Og at enda siga vit:
Góðan morgun, dag, gott kvøld, góða nátt og farvæl!

Er kopiera
Nýggjastu sendingar í ÚV
Hósdag 3. apríl
«Eingil boðar føðing Jesu»
190220
Hósdag 3. apríl
Eitt korter við jazzi 3. apríl 2025
190199
Hósdag 3. apríl
Brot úr Føroya søgu
190189
Nýggjastu sendingar í SV
Hósdag 3. apríl
Dagur og vika - teknmálstulkað
190208
Hósdag 3. apríl
Dagur og vika - teknmálstulkað
190180
Týsdag 1. apríl
Veðrið
190120
Týsdag 1. apríl
Heðin Brú 2:2 - teknmálstulkað
190126
Týsdag 1. apríl
DOK01430 - teknmálstulkað
190125

Meira um sama evni