Hvirla tók bilin

Eitt ferðsluóhapp var uttanfyri Lopra beint eftir klokkan fýra, seinnapartin í gjár. Ein ungur maður sat í bilinum, sum varð tikin av hvirlu, og bilurin varð síðan skumpaður inn í bilverjuna. Sjúkrabilur kom á staðið, og maðurin varð fluttur á sjúkrahúsið, men eingin mansskaðið stóðst av óhappinum. Løgreglan, sum var á staðnum greiddi eisini frá, at hvirlurnar vóru sera harðar. 

Í nátt hevur verið nakað av órógvið av náttarlívinum í Havn. Eitt sindur av fólki var í býnum, og løgreglan var noydd at skilja nøkur fólk sundur. 

Klokkan tjúgu minuttir í trý í nátt var ein bilførari tikin í ferðslukanning í Sandoynni. Bilførarin varð tikin fyri at koyra ávirkaður av rúsevnum. Løgreglan fann eisini nakað av rúsevnum í bilinum. Bilførarin verður skuldsettur fyri at koyra ávirkaður.