Sáttmálasamráðingar: Partarnir hava handað krøvini

Sáttmálasamráðingarnar millum Føroya Arbeiðsgevarafelag og tey fimm arbeiðarafeløgini eru nú byrjaðar.

Partarnir handaðu fríggjadagin hvørjum øðrum síni krøv, skrivar heimasíðan hjá Vinnuhúsinum.

Atalað er, at næsti samráðingarfundur verður fríggjadagin 4. apríl.

Føroya Arbeiðsgevarafelag hevur samráðingar um 40 sáttmálar á privata arbeiðsmarknaðinum við umleið 20 fakfeløg.

Samráðingarnar við arbeiðarafeløgini eru tær fyrstu í komandi samráðingarumfari hjá Føroya Arbeiðsgevarafelag.

Sáttmálarnir við tey fimm arbeiðarafeløgini fara úr gildi 1. mai.