Teitur og Brimheim skulu framføra til OL

Teitur og Brimheim skulu framføra til OL
Av fimm tónleikarum, sum eru valdir út til at umboða Danmark í sambandi við olympisku leikirnar í summar, eru tveir føroyingar
Brimheim verður eitt av tónlistaligu umboðunum hjá Danmark á olympisku leikunum í summar
 
28.03.2024 - 16:58

Føroysku tónleikararnir Teitur og Brimheim eru vald út til at framføra vegna Danmark undir olympisku leikunum, sum verða í Paris í summar. Tey eru tvey av fimm, sum vórðu vald út millum meir enn 100 umsøkjarar.

Frá 26. juli til 11. august fara Visit Denmark og danska vinnumálaráðið at skipa fyri ymsum tiltøkum á kendu gøtuni Champs-Elysées og í donsku Fríðrikskirkjuni, sum er beint við.

Í hesum sambandi tóku Visit Denmark og non-profit felagsskapurin ROSA, sum arbeiðir fyri at menna og miðla danskan tónleik, fyrr í ár stig til at finna fimm tónleikarar, sum skulu umboða Danmark undir leikunum. Og nú er so greitt, at tvey av hesum fimm eru føroysku Teitur og Brimheim.

Fyrireikararnir siga í tíðindaskrivi, at í útveljingini av teimum fimm er dentur lagdur á, at tey ikki bert vísa royndir og eitt høgt listaligt støði, men eisini umboða margfeldnið og breiddina í donskum tónleiki, umframt at tey hava evnini til at bergtaka eina franska eins væl og eina altjóða áhoyrarafjøld.

Við tónleikamiðilin Gaffa sigur Rebecca Helewa Graversen, sum sat í úttøkunevndini, at "tónleikararnir, sum skulu spæla, eru bæði listafólk við einum sera norðurlendskum klangi, sum fara at tala til tað forvitnisliga og bergtakandi av nøkrum eksotiskum úr Norðurlondum. Og so eru onnur, sum glíða beint inn í eitt franskt ljóð, sum er merkt av til dømis elektro og afro-beats."

Gaffa skrivar eisini, at tónleikararnir skulu spæla tríggjar dagar á rað, men ikki sama dag. Talan verður um 20 minuttir langar sonevndar showcase-konsertir inni í Fríðrikskirkjuni. 

Kravið til umsøkjararnar var, at teir kundu framføra við í mesta lagi tveimum persónum á pallinum. Harumframt ber til hjá tónleikarunum at brúka orglið í kirkjuni til konsertirnar.

Sambært ROSA verður roknað við 75.000 vitjandi umframt nógvum fjølmiðlafólkum.

Hinir tríggir tónleikararnir eru Dayyani, JJ Paulo og Lydmor.

Er kopiera
Nýggjastu sendingar í ÚV
Hósdag 23. mai
RagnarRokk 23.mai 2023
174510
Hósdag 23. mai
RagnarRokk: Mark Tornillo um Humanoid
174509
Hósdag 23. mai
Jazzofonin - Ron Carter
175494
Hósdag 23. mai
Lesikrókurin: Hvaðan kom kvinnan
175482
Nýggjastu sendingar í SV
Mikudag 22. mai
Dagur og vika - teknmálstulkað
175403
Týsdag 21. mai
Veðrið
175373
Mánadag 20. mai
Suð í Keypmannahavn
175066