Slógv fer at skapa vinnu og arbeiðspláss á landi

Tá virki á landi vilja keypa slógvið, kemur prísurin fyri tað eisini, og tá fer tað at loysa seg hjá skipunum at taka alt av fiskinum við til lands. 

Tað sigur Dennis Holm, landsstýrismaður, um kunngerðina um, at alt av fiskinum skal til lands. 

"Kravið um, at alt av fiskinum skal til lands, fer sum frá líður at útvega vinnu og arbeiðspláss á landi. So tað er fyri at skapa vinnu og arbeiðspláss á landi, at alt av fiskinum skal til lands," sigur hann. 

Hanus Hansen, reiðari, ger vart við, at fleiri av hansara skipum verða løgd, um kunngerðin kemur í gildi 1. juni. 

Men skipini, sum ikki eru egnað til at føra alt til lands, og heldur ikki fáa nakran prís fyri slógvið, fáa ikki pengar úr landskassanum, sigur landsstýrismaðurin.