Sangtekstirnir skulu geva fólki vón

Um vit liva eitt virkið og hampuliga langt lív, so munnu tað vera fá okkara, ið sleppa undan at uppliva onkra sálarliga avbjóðing. 

Júst tí er umráðandi at varpa ljós á sálarheilsu. 

Tað heldur Niclas Heri Jákupsson, sum hevur gjørt enn ein sang, ið snýr seg um júst sálarheilsu. Sangurin ber heitið "Vælkomin heim".

Eitt, hann vil leggja dent á við sangtekstum sum hesum, er vónin.

- Tá fólk eru í einum djúpum, svørtum holi, er torført at ímynda sær, at støðan nakrantíð verður betri. Men tað vísir seg, at tað er ljós fyri framman, og tað er góð hjálp at heinta, sigur Niclas Heri Jákuppsson.

Í morgunsendingini greiðir hann frá sálarheilsu, og hvussu ymiskt tað er at skriva lættar popptekstir og inniligar, djúpar sangir um sálarheilsu.