Flogfeløg avlýsa túrar til Iran

Australska flogfelagið Qantas er m.a. steðgað við beinleiðis túrunum millum London og Australia, fyri at sleppa undan iranskum loftrúmi. Ístaðin hevur flogfelagið valt eina aðra leið og millumlendir nú í Singapore. 

Tað er av trygdarávum, at fleiri flogfeløg broyta ferðaætlan. Óttast verður fyri einum iranskum álopi á Ísrael, ið kann fara fram, uttan at hædd verður tikin fyri ferðafólkaflogferðslu. Tað skrivar The Gardian. 

Eisini eysturríska flogfelagið Austrian Airlines hevur broytt ferðaætlan. Allar rutur til Iran eru fyribils avlýstar og aðrar rutur í iranskum loftrúmi broyttar.