Closed for Maintenance fyri sættu ferð

Í morgin byrjar árliga 'Closed for Maintenance'-átakið, sum Visit Faroe Islands skipar fyri.

Hetta er sættu ferð, at skipað verður fyri átakinum, har sjálvbodnir føroyingar og útlendingar eru við.

80 útlendingar vera við í átakinum í ár og okkurt um 50 føroyingar. Átakið verður í døgunum 2. til 4. mai.

Visit Faroe Islands sigur, at tað er eitt gott høvi hjá kommunum, hagapørtum og øðrum at fremja neyðugar ábøtur og at fyrireika økini at taka ímóti ferðafólkum.

Closed to maintenance, Visit Faroe Islands, umvæla gøtur og varðar

Í ár verða átta støð í Føroyum ment og viðlíkahildin. (Úr sendingini: Closed for Maintenance á fimta sinni)

>>>Sí sendingina "Closed for Maintenance á fimta sinni" her<<<

Fleiri verkætlanir eru framhald av arbeiðunum, ið eru gjørd undanfarin ár, men nýggj støð eru eisini við í verkætlanini.

Arbeiðsuppgávurnar vera í høvuðsheitum at gera gøtur og seta vegvísarar upp, so tað verður tryggari og lættari at ferðast í Føroyum.

Í ár verða átta støð í Føroyum ment og viðlíkahildin. Tey eru Vestmanna, Tjørnuvík, Kambsdalur, Skálavík, Sundshagi, Vágur, Nólsoy og Vágar.