Uppskot: Vápnahvíld í trimum stigum

84 daga vápnahvíld, gíslar skulu leyslatast og Gasa skal byggjast upp aftur. Tað er nakað av innihaldinum av uppskotinum um vápnahvíld, sum higartil er komið fram

Palestinar fegnaðust og dansaðu í gøtunum í Rafah, eftir at tað frættist, at Hamas hevði tikið undir við uppskotinum um vápnahvíld

Mynd: AFP/Ritzau Scanpix

John Johannessen

06.05.2024 - 22:45

Ein vápnahvíld í trimum stigum. Tað er tað, ið Hamas hevur tikið undir við, eftir at Katar og Eygyptaland løgdu eitt uppskot um avtalu fyri Hamas og Ísrael. Men Ísrael hevur enn ikki góðkent avtaluna.

Fyrsta sig:
- Vápnahvíld í 42 dagar.

- Hamas letur leysar 33 ísraelskar gíslar. Afturfyri skal Ísrael leyslata palestinskar fangar úr ísraelskum fongslum.

- Ísrael tekur seg lutvíst aftur úr Gasa og letur palestinar ferðast frítt norðureftir í Gasa geiranum.

Annað stig:
- Vápnahvíld í 42 dagar afturat við endamáli at finna støðugan frið, tó ikki varandi vápnahvíld.

- Ísrael tekur seg næstan heilt út úr Gasa.

- Hamas letur leysar ísraelskar tiltakshermenn og nakrar hermenn afturfyri, at Ísrael letur leysar fleiri palestinar úr ísraelskum fongslum.

Triðja stig:
- Partarnir leysgeva lík til hvønn annan og farið verður í gongd við at uppbyggja Gasa undir eftirliti av Katar, Egyptalandi og ST.

- Steðga stongsulin av mørkunum til Gasageiran.

Kelda: Reuters