Føroyar eiga at gera sum Grønland

Tingmenninir, Johan Dahl og Erling Eidesgaard, sum umboða løgtingið í Norðurlandaráðnum, halda, at Føroyar skulu taka somu støðu sum Grønland.

Tað er óvirðiligt, at vit verða hildin uttan fyri norðurlendska samstarvið, sigur Erling Eidesgaard.

Tað kann fáa stórar avleiðingar fyri norðurlendska samstarvið, um Grønland av álvara tekur seg úr samstarvinum.
 

Løgmaður eigur at sláa nevan í borðið. Og londini, sum eru ímóti føroyskum limaskapi í Norðurlandaráðnum, mugu hugsa seg um av álvara, sigur Johan Dahl.