Nú er eisini verkfall hjá landi og kommunum

Á midnátt fóru arbeiðsfólk, sum arbeiða hjá landi og kommunum, eisini í verkfall.

Verkfallið er galdandi fyri øll arbeiðsfólk, tó ikki dagrøktarar, sum arbeiða eftir sersáttmála, sum framvegis er í gildi, sigur Føroya Arbeiðarafelag í almennari fráboðan.

Eftir umbøn eru undantøk tó givin, serliga á eldraøkinum.

Reingerð á skúlum og barnaansing eru ikki fevnd av undantøkum, sigur Føroya Arbeiðarafelag.