Marjun Hanusardóttir í nevndina í Føroya Banka

Marjun Hanusardóttir í nevndina í Føroya Banka
Marjun Eystberg hevur biðið um at sleppa úr nevndini. Eykaaðalfundur verður í bankanum 18. juni
Marjun Hanusardóttir verður nýggjur nevndarlimur í Føroya Banka.
 
27.05.2024 - 09:51

Fyrrverandi løgmansstjórin, Marjun Hanusardóttir, er á veg inn í nevndina hjá Føroya Banka.

Føroya Banki hevur boðað til eykaaðalfund í bankanum 18. juni.

Í innbjóðingini til eykaaðalfundin verður upplýst, at Marjun Eystberg hevur biðið um at sleppa úr nevndini í Føroya Banka. Marjun Eystberg varð vald í nevndina á aðalfundinum í bankanum, 21. mars í ár.

Í hennara stað verður skotið upp at velja Marjuna Hanusardóttir. Hon var løgmansstjóri frá 1996 til 2021, tá hon fór frá fyri aldur. Frammanundan var hon stjóri á Heilsufrøðiligu starvsstovuni.

 

Stórar broytingar

Stórar broytingar vóru í nevndini í Føroya Banka á aðalfundinum í mars.

Birgir Durhuus er formaður, Annfinn Vitalis Hansen, nevndarformaður, og hini í nevndini eru Kristian Reinert Davidsen, Árni Tór Rasmussen, Tom Ahrenst og Marjun Eystberg, sum nú biður um at sleppa úr nevndini.

Starvsfólkavaldu nevndarumboðini í Føroya Banka eru Kenneth Samuelsen, Rúna Hentze og Alexandur Johansen.

Marjun Hanusardóttir verður í fyrstu atløgu vald í nevndina til aðalfundin næsta ár. 

 

Er kopiera
Nýggjastu sendingar í ÚV
Týsdag 25. juni
Morgunlestur týsdagur 25. juni 2024
177127
Mánadag 24. juni
Biltúrurin 2: Koyrt verður í Sumba
176599
Mánadag 24. juni
Áki flúktaði KÍ úr FM-stríðnum
177176
Mánadag 24. juni
Søgan um Hank Williams (2:8)
176855
Mánadag 24. juni
EM-tíðindi: 24. juni
177168
Nýggjastu sendingar í SV
Leygardag 22. juni
Video: 5mf kvinnur, Jóansøka 2024
177125
Leygardag 22. juni
Video: 10mf, Jóansøka 2024
177123
Leygardag 22. juni
Video: 6mf_menn, Jóansøka 2024
177120