Vænta høgrasnaring í ES-tinginum

Í hesum døgunum velja ES-londini síni umboð til ES-tingið, og ES-borgarar vilja eftir øllum at døma hava broyting í. 

Í fleiri limalondum eru stjórnarflokkar, sum verða mettir at liggja rættiliga uttarlaga á høgravonginum, til dømis í Italia, Slovakia, Kroatia, Finnlandi og Ungarn. 

Elisabeth F. Rasmussen

Elisabeth F. Rasmussen, sendikvinna í ES.

Í Fraklandi er næststørsti flokkur Front National við Marine le Pen á odda, og flokkurin sær út til at standa seg væl til hetta ES-valið. Eisini bendir nógv á, at Svøríkisdemokratarnir gerast størsti flokkur á ES-valinum í Svøríki.

Tí verður væntað, at ES-tingið fer at liggja longri til høgru, tá valið er av.  

Hvat er tað, sum fær fólk at velja høgraflokkarnar, spurd Katrin Petersen Elisabeth F. Rasmussen, sendikvinnnu í Brússel,  í Breddanum fyrrapartin:

720 sessir eru í ES-tinginum, og hvørt ES-land hevur sessir eftir fólkatalinum. Tá tingið er valt, eru tinglimirnir bólkaðir politiskt, og ikki eftir, hvørjum landi teir eru valdir í.