Sjálvstýri: Helst seinasta royndin at sleppa á ting

- Sjálvstýri skal skerpa profilin og vísa, hvat hann vil á tingi og so fáa nøkur góð valevni at føra tann boðskapin fram. Men um tað ikki eydnast at koma inn á ting næstu ferð, er ivasamt, um ein roynd verður gjørd afturat. Tað sigur Sámal Petur í Grund, formaður í Sjálvstýri, sum hevði landsfund í gjár.

Á landsfundinum vóru fleiri evni á skrá. 

Tað týdningarmesta vit fingu viðgjørt, vóru tær truplu støðurnar, sum eru í flokkinum, so sum at koma inn um tinggátt og í bygd- og býráðum.

Síðani vóru aktuell mál viðgjørd.

- Flokkurin er samdur um, at flokkurin skal inn á ting, tí vit hava nakað upp á hjarta, sigur Sámal Petur í Grund.

Sjálvstýri heldur tað vera skeivt, at pensjónistar verða mótroknaðir.

Flokkurin fegnast um, at verkfallið loksins er av - men lønin er framvegis alt ov lág í mun til kostnaðarstøðið í samfelagnum.

Og at enda heldur Sjálvstýri, at ferðavinnulóggávan ger tað truplari enn áðrenn fyri allar partar.
 

Hoyrið samrøðu við Sámal Petur í Grund her: