- Tíðindi, mentan og ítróttur
Kunnu søkja um at sleppa undan heilsutrygdargjaldi
Kunnu søkja um at sleppa undan heilsutrygdargjaldi
Nýggj sjálvgreiðsla hjá Heilsutrygd hevur latið upp á Vanganum
![](https://kvf.fo/sites/default/files/styles/grein-ovasta-mynd/public/fullsizeoutput_1a07.jpeg?itok=H8ka7KMQ)
Nú ber til at søkja um undantak frá heilsutrygdargjaldi.
01.07.2024 - 16:15
Nú ber til at søkja um undantak frá heilsutrygdargjaldi.
Tað boðar Heilsutrygd frá.
Ein týðandi partur av heilsutrygdarlógini er gjaldsskyldan, sum fevnir um øll tey, sum eru búsitandi í Føroyum og tí fevnd av lógini.
Rinda gjøld aðrastaðni
Hetta hevur havt við sær avbjóðingar, tí fleiri borgarar arbeiða í øðrum Norðurlandi og rinda sosialtrygdargjøld har. Tí hava teir mett seg verða undantiknar gjaldsskylduni í Føroyum, vísandi til norðurlendskan sáttmála á økinum.
Nú heilsutrygdarlógin er broytt, hevur Heilsutrygd í dag fingið heimild til at viðgera umsóknir um undantak frá gjaldsskylduni.
Á middegi læt upp nýggj sjálvgreiðsla hjá Heilsutrygd á Vanganum, so borgarar kunnu søkja um undantak.
Nýggjastu sendingar í ÚV
Nýggjastu sendingar í SV