Tyrlan eftir sjúkum manni á ferðafólkaskipi

Í gjár vóru aftur boð um hjálp frá útlendskum ferðafólkaskipi, tí ein sjúkur maður var umborð.

Tyrla hjá Atlantic Helicopters fór til skipið, Azamare Quest, sum var 120 fjórðingar í ein útnyrðing úr Føroyum.

Tyrlan flutti sjúklingin og konu hansara á Landssjúkrahúsið.

Boðini komu seint fyrrapartin í gjár.

Bjargingartiltakið vardi tveir tímar og 22 minuttir.

Azamare Quest kom til Reykjavíkar av Seyðisfirði í morgun.