Nettotilflytingin minkað seinasta árið

Nettotilflytingin minkar nú, tí færri, sum ikki hava bústaðartilknýti til Føroya, koma til Føroya, og fleiri uttan bústaðartilknýti eru flutt úr Føroyum. 

Nettoflytingin var 183 fólk frá juni í fjør til juni í ár. 

Tað eru 138 fólk færri enn í undanfarna tíðarskeiði, altso frá juni í 2022 til juni 2023. 

Øðrvísi er hjá teimum, sum hava bústaðartilknýti til Føroya, sigur Hagstovan, tí har vaks nettoflytingin eitt sindur samanborið við undanfarna tíðarskeið.

Í fýra teimum undanfarnu tíðarskeiðunum var tað nettoflytingin hjá teimum við bústaðartilknýti, sum gjørdi nettoflytingina minni.

Tá fólk hava búð í Føroyum helvtina av sínum lívi ella í sjey av tíggju samanhangandi árum einaferð í lívinum, hava tey bústaðartilknýti til Føroya.

Bústaðartilknýti