Eingin kjarnorkugeisling frá Albany

Eingin geisling bleiv staðfest, tá kjarnorkurikni amerikanski kavbáturin USS Albany var í Føroyum frá 12. til 17. juli.

Tað sigur Arbeiðs- og Brunaeftirlitið, sum hevði støðugt eftirlit við geisling, meðan USS Albany sigldi í føroyskum sjóumveldi og lá við bryggju á Oyrareingjum.

Saman við Heilsufrøðiligu starvsstovuni og Vørn vóru regluliga tiknar vatnroyndir í Kollafirði.

Arbeiðs- og Brunaeftirlitið gjørdi dagliga mátingar við serútgjørdum geislamátibili.

Og tað hevði fólk við geislamátiútgerð á Tjaldrinum, meðan tað sigldi.

Mátingar alla tíðina

Arbeiðs- og Brunaeftirlitið og Vørn høvdu samstarv um tilbúgvingarátøkini í sambandi við vitjanina.

Tjaldrið og Vørn tóku ímóti USS Albany, tá hann kom í føroyskt sjóumveldi, og fylgdi honum til Oyrareingir.

Meðan hann lá har, lá Tjaldrið í Kollafirði. 

Tá vitjanin var liðug mikudagin, fylgdi Tjaldrið USS Albany út aftur úr føroyskum sjóumveldi.

110 fólk eru við USS Albany.