Krevur hægst miðalkarakter fyri at sleppa at lesa til sniðgeva

Um tú ætlar tær til Danmarkar at lesa, er tað sum alla aðrastaðni ymiskt, hvør miðalkarakterur krevst fyri at sleppa inn á tær ymsu útbúgvingarnar. Og tað er eisini ymiskt, hvat teir ymsu lærustovnarnir krevja fyri at taka næmingar inn.

Nú umsøkjarar hava fingið svar uppá, hvørt tey eru sloppin inn ella ikki, hava danskir miðlar í morgun eitt yvirlit yvir, hvørjar útbúgvingar krevja hægsta miðalkarakter. 

Í myndum: Árið ið fór, 22.juni 2023, studentar

Sniðgeving og samskifti

Og truplast av øllum er at sleppa at lesa til sniðgeva ella designara, við summarbyrjan, á Kongliga Akademinum í Keypmannahavn. Har krevst ein miðalkarakterur uppá 11,4 fyri at sleppa inn á kvotu 1.

Næstovast á listanum er eisini útbúgving sum sniðgevi. Tað er á Designskolen í Kolding, har kravdi miðalkarakterurin er 11,3.

Og triðovast er professiónsbachelor í samskifti á Journalistskúlanum í Aarhus. Har krevst 11,2 í miðal fyri at sleppa inn.

Síðani koma fleiri útbúgvingar, har kravdi miðalkarakterurin er 11,1. Nevnast kunnu sálarfrøði við lærda háskúlan í Keypmannahavn, professiónsbachelor sum ljósmóðir í Keypmannahavn, og tað sum eitur International Business á Copenhagen Business School.