Nýggj kommunulæknalóg

Kommunalæknaskipanin víðkast og mennast til eina skipan við heilsutænastum og heilsumiðstøðum kring landið.

Fólk í øllum landinum skulu hava somu tilboð um heilsutænastur.

Sjúklingatrygdin skal setast í hásæti.

Viðgerðir vera í nærumhvørvinum.

Fólk fáa lættari atgongd til tilboð um heilsutænastur. 

Hetta fer serliga at vera til fyrimuns fyri eldri fólk, fólk við varandi sjúkum og fólk við serligum tørvi.

Endamálini eru nógv og stór í lógaruppskotinum um at skipa heilsutænastur í nærumhvørvinum.

Uppskotið hjá Heilsumálaráðnum er sent til hoyringar.

Samgonguskjalið

Í samgonguskjalinum stendur, at ein nýskipan skal fremjast fyri at tryggja sama tænastustig um alt landið og fyri øll.

Tryggjast skal, at fólk fáa samanhangandi viðgerðargongd og, at samstarvið millum heilsuverk, almannaverk og eldrarøkt verður styrkt. 

Har stendur millum annað eisini, at skipanir og mannagongdir skulu endurskoðast, so mest fæst fyri pengarnar. 

Og øll skulu hava egnan kommunulækna.

Ætlanin er, at lógin kemur 1. januar 2025.

Og tá fer galdandi lóg um kommunulæknar frá 1999 úr gildi.