Pensjónsaldur hækkar

Fólkapensjónsaldurin hækkar.

Sambært galdandi løgtingslóg um almannapensjónir hækkaði fólkapensjónsaldurin tann 1. juli í ár upp í 67 og hálvt ár.

1. januar 2030 hækkar hann upp í 68 ár. 
 

Landsstýrið sigur, at lógin um almannapensjónir ásetur, at síðani skal pensjónsaldurin ásetast í løgtingslóg 10. hvørt ár við einari 10 ára freist, fyrstu ferð í 2025 galdandi frá 2035. 

Landsstýriskvinnan í almannamálum fer at leggja uppskot fyri løgtingið um at hækka pensjónsaldurin galdandi frá 2035. 

Tað uppskotið kemur væntandi í tingið fyrst í 2025.