Sverri tók seg í hálvfinalurnar eftir góðan endaspurt

Sverri Sandberg Nielsen hevur róð seg í OL-hálvfinalurnar fyri einskullara.

Miðvingurin endaði á 2. plássi í fjórðingsfinaluni fyrrapartin aftan fyri Thomas Mackintosh úr Nýsælandi.

Nýsælendingurin vann við tíðini 06:48.01, og Sverri Sandberg Nielsen kom á mál umleið hálvt annað sekund seinni við 06:49.69.

Bruno Cetraro Berriolo úr Uruguay fekk triðja plássið í hálvfinaluni við tíðini 06:51.43

Leingi var spenningur í róðrinum, og Sverri Sandberg Nielsen kappaðist við Berriolo og Lucas Verthein Ferreira úr Brasil um plássini aftan fyri Nýsælendingin. Men á síðstu 500 metrunum vísti føroyingurin, at hann framvegis eigur einn góðan endaspurt, tá hann róði seg av 3. og fram á 2. plássið.

Rógvararnir úr Brasil, Monako og Hong Kong vóru ov stuttir.

OL--hálvfinalan hjá Sverra Sandberg Nielsen verður hósdagin.