USA sendir hernaðarflogfør- og skip at verja Ísrael

USA fer at senda fleiri hernaðarskip og jetjagarar til Miðeystur fyri at verja Ísrael frá møguligum álopum úr Iran og teirra sameindu. 

Tað boðar Pentagon frá sambært bretska kringvarpinum.

Støðan er framvegis sera spent, síðan bæði leiðarin í Hamas, Ismail Haniyeh, í Iran, og ein lyklaleiðari í libanesiskt militanta bólkinum, Hezbollah, vórðu fyribeindir.

Iranski leiðarin, Ayatollah Khamenei, hevur lovað at revsa Ísrael hart fyri at hava fyribeint Haniyeh í Tehran mikudagin. 

Ísrael hevur hvørki váttað ella avsannað at hava beint fyri honum.