Pelagos fær nú makrel

Gongd er nú komin á makrelfiskiskapin undir Føroyum, og fleiri skip hava nú eisini verið inni og landað.

Fiskur.fo skrivar, at í gjár var Borgarin inni og landaði umleið 350 tons av makreli til Pelagos, og eftir hann landaði Katrin Jóhanna 240 tons.

Støddin var góð - um 600 gramm í miðal hjá Borgaranum og 630 gramm í miðal hjá Katrin Jóhonnu.

Borgarin og Katrin Jóhanna eru longu farin aftur til fiskiskap, skrivar fiskur.fo.