Eplafestivalurin verður aftur í ár á Sandi

Eplafestivalur verður aftur á Sandi 28. september.

Festivalurin hevur ikki verið seinastu árini. Seinast var í 2019, áðrenn koronafarsóttin fór at herja í 2020.

Men Eplafestivalurin verður altso aftur á skránni í ár.

Vanliga er ymiskt grønmeti og pop-up matstøðir á festivalinum, umframt ymiskt annað.

Eplafestivalurin á Sandi var fyrstu ferð í 2015.

Í 2017 var táverandi ungdómstoymið hjá Kringvarpi Føroya, Røddin, og vitjaði Eplafestivalin. Burturúr spurdist hetta videobrotið, ið liggur á Youtube-rásini hjá Røddini.