Álopsmaður í Týsklandi settur í samband við IS

Týska ákæruvaldið hevur illgruna um, at ein 26 ára gamal maður, sum hevur játtað seg sekan í at dripið trý fólk við knívi fríggjakvøldið, er limur í yvirgangsbólkinum IS.

Tað skrivar norska kringvarpið.

Maðurin møtti sjálvboðin hjá løgregluni í gjárskvøldið og verður nú kannaður í samband við yvirgangsbólkin.

IS hevur tikið ábyrgd av álopinum, sum fór fram í Solingen í Týsklandi, tá ein maður við knívi leyp á tilvildarlig fólk, sum vóru til hátíðarhald í býnum.

Umframt tey trý, sum lótu lív, vórðu átta onnur særd - og fimm teira vórðu álvarsliga særd.