![](https://kvf.fo/sites/default/files/styles/myndasavn-width/public/steinway_d274.jpg?itok=4of-LxWX)
- Tíðindi, mentan og ítróttur
Varpið keypt besta flygilið frá Steinway
![](https://kvf.fo/sites/default/files/styles/grein-ovasta-mynd/public/3o7a2013.jpg?itok=n-ZXJeSd)
- Hetta hevur verið ein drúgv tilgongd, sum hevur vart í eini tvey ár, har vit hava arbeitt við at keypa eitt flygil til nýggja mentanarhúsið Varpið í Klaksvík, sigur Dávur Winther, mentanarleiðari í Klaksvíkar kommunu.
- Vit hava keypt tað størsta og flottasta konsertflygilið frá Steinway - eitt sokallað D274 við innbygdari Spirio-tøkni, sigur Dávur.
Steinway Spirio er ein skipan, har tvey flygil kunnu spæla saman - skilt á tann hátt, at ein klaverleikari kann sita í Sydney og spæla á flygilið í Varpinum í Klaksvík.
- Hetta gevur fleiri møguleikar, millum annað til konsertir ella undirvísing, sigur Dávur.
Klaverleikarin Jóhannes Andreasen var við á ferðin, og hann metti, at flygilið, sum tey hava keypt, hevur ein brilliantan klang, hevur eitt flott og gott ljóð og ein góðan bass.
- Eitt ordiligt mentanarhús má og skal hava eitt ordiligt flygil, sigur Dávur og leggur afturat, at vit kunnu kanska siga, at flygilið er krúnan á verkinum í nýggja mentanarhúsinum, sigur Dávur Winther, mentanarleiðari í Klaksvíkar kommunu.
Lurta eftir samrøðuni við Dávur Winther í summarmorgni.
Nýggja Steinway flygilið kostar um tvær milliónir krónur og er fíggjað við grunnum og stuðlum.
Konsertflygilið Steinway D-274 er flaggskipið hjá Steinway & Sons