Sambandsflokkurin ótolnast eftir lógini um vakmyndatól

Hóast løgtingið hevur samtykt at heita á landsstýrið um at leggja málið fram, ivast landsstýrismaðurin í lógarmálum, um yvirvøka loysir trupulleikarnar við kriminaliteti

Løgtingið hevur við stórum meiriluta samtykt at heita á landsstýrið um at gera lógaruppskot um vakmyndatól. (Savnsmynd)

Óluva Zachariasen

27.08.2024 - 09:28

Drálar landsstýrismaðurin ov leingi við at leggja uppskot fyri løgtingið um vakmyndatól, fer Sambandsflokkurin at leggja eitt uppskot fram.

Tað sigur Helgi Abrahamsen, løgtingslimur.

Helgi Abrahamsen, sambandsflokkurin, samgongukreppan

Helgi Abrahamsen, løgtingsmaður. (Mynd: Bjarni Árting Rubeksen)

Bjarni Kárason Petersen, landsstýrismaður í lógarmálum, torir ikki at lova, at uppskotið kemur í hesari tingsetuni. Sjálvur ivast hann eisini í, um yvirvaking loysir trupulleikarnar við kriminaliteti.

Hoyr innslag í útvarpstíðindunum:

27082024_Vakmyndatol

Bjarni Kárason Petersen

Bjarni Kárason Petersen, landsstýrismaður .

Uppskotið um vakmyndatól er eitt uppskot til samtyktar, har heitt verður á landsstýrið um at fyrireika og leggja fyri Løgtingið lógaruppskot um at loyva kommunum at seta upp vakmyndatól á serliga útsettum støðum í býarlívinum.

Uppskotið varð samtykt við 23 atkvøðum fyri og tveimum ímóti.