- Tíðindi, mentan og ítróttur
Hyggjarar hjá CNN: Harris vann kjakið
Hyggjarar hjá CNN: Harris vann kjakið
Hetta var fyrsta politiska hólmgongan millum Donald Trump og Kamalu Harris
Orðaskiftið millum Trump og Harris í nátt var í løtum sera hvast.
Mynd: Reuters/Ritzau Scanpix
11.09.2024 - 08:24
Tey bæði forsetavalevnini í USA, Kamala Harris hjá demokratunum og Donald Trump hjá republikanarunum, vóru í sjónvarpaðum orðaskifti í nátt, okkara tíð.
Millum evnini vóru fosturtøka, migratión og kriminalitetur, og alt orðaskiftið ígjøgnum legði Trump eftir Harris fyri tað, hon hevði gjørt og ikki gjørt sum varafoseti síðani 2020.
- Hetta er sama gamla sjabbið, svaraði Harris aftur og undraðist á, hví Trump ikki heldur vildi tosa um framtíðina.
Skulu vit trúgva hyggjarunum hjá sjónvarpsrásini CNN, stóð Kamala Harris sum vinnari eftir orðaskiftið, tí 63 prosent av spurdu hyggjarunum hildu hana standa seg betur, meðan 37 prosent vístu á Trump.
Tá ið Donald Trump og Joe Biden í juni mánaði vóru í einum tilsvarandi orðaskifti í amerikanskum sjónvarpi, vann Trump, og Biden tapti. Stutt eftir tók Biden seg aftur sum forsetavalevni.
Hetta var fyrsta politiska hólmgongan millum Trump og Harris, og í løtuni er óvist, um fleiri hólmgongur vera teirra millum fyri forsetavalið í november
Er kopiera
Nýggjastu sendingar í ÚV
Nýggjastu sendingar í SV
