Fuglakrím í Leynum

Tveir ravnar, sum vóru funnir í Leynum, høvdu fuglakrím, sigur Heilsufrøðiliga starvsstovan.

Sannlíkindini fyri, at hetta slagið av fuglakrími, sum eitur H5N5, smittar fólk, eru sera lítil, men tað kann koma fyri.

Heilsufrøðiliga starvsstovan heitir á fólk um ikki at nerta við sjúkan ella deyðan fugl.

Heilsufrøðiliga starvsstovan biður fólk, sum hava heimafugl, um at geva teimum innandura ella í øllum førum undir taki, so færri villir fuglar vera drignir til økið.

Smittuvandin minkar tá nógv. 

Fótbúnaður kann eisini lættliga vera dálkaður av fuglaskarni ella øðrum frá villum fugli.

Tí verður rátt til at reinsa fótbúnaðin áðrenn og aftaná farið verður í høsnarhús og inngirðingar. 

Og fólk, sum hava verið á fuglaveiðu ella hjá flogfenaði uttanlands, eiga at halda seg burtur frá heimafugli í Føroyum í minst 48 tímar.