Bumba kommandostøð við eitt sjúkrahús í Beirut

Ísrael heldur á at bumba mál í Libanon, og boðar í morgun frá, at rakettir hava rakt eina kommandostøð hjá Hizbollah í Suðurlibanon.

Hetta skrivar ísraelski herurin á miðlinum X, sambært BBC.

Kommandostøðin lá nær við eitt sjúkrahús og libanesiskir myndugleikar siga, at fleiri heilsustarvsfólk lótu lív í álopinum. Ísrael sigur, at kommandostøðin lá í eini mosku, sum var partur av sjúkrahúsinun. 

Av tí at fleiri álop hava verið við sjúkrahús og heilsumiðstøðir, eru fleiri latin aftur, tí starvsfólk tora ikki at fara til arbeiðis.