Kommunuætlan fyri Klaksvík til 2040

Klaksvíkar kommuna hevur gjørt eina kommunuætlan fram til 2040, og fer mánakvøldið at hava almennan kunningarfund.

Í vár samtykti Klaksvíkar býráð at fara undir eina kommunuætlan, sum skal tryggja, at skiftandi býráð skipa og leiða kommununa inn í framtíðina, sum byggir á haldgóðar og burðardyggar loysnir.

Hetta merkir, at arbeiðið skal vera væl kjølfest í býráðnum, samstundis sum allir viðkomandi partar skulu kunnast, hoyrast og takast við í arbeiðið, sigur kommunan.

Endamálið við fundinum mánakvøldið er at greiða almenninginum frá arbeiðinum við heildarætlanini.