Eldur kyknaður undir jørð

Innan fyri 10 minuttir var sløkkiliði á staðnum, eftir at eldurin varð fráboðaður klokkan hálvgum trý seinnapartin í gjár, og góðan tíma seinna varð boðað frá, at eldurin var sløktur. 

Fólk, sum gistu á Hotel Tórshavn, vóru biðin um at fara út, tí nógvur roykur var komin inn á hotellið umvegis ventilatiónina. 

Sambært metingunum hjá politinum sær eldurin út til at verða kyknaður í eini skrellispann. Hetta kann tó ikki sigast við vissu enn - ein brandteknikari fer at kanna málið nærri. 

Hóast eldurin var stórur og nógvur roykur var, so var eingin vandi á ferð, sigur politiið.