Ísrael átekur sær ábyrgdina

Ísraelski forsætisráðharrin Benjamin Netanyahu váttaði í dag, at hann góðkendi persónssøkjaraatsóknirnar í Libanon og Sýrialandi fyri skjótt tveimum mánaðum síðani.

Tað veit AFP-tíðindastovan at siga frá talsmanni hansara Omer Dostri.

Tað var tann 17. septembur, at túsundtals persónsøkjarar hjá Hizbollah-yvirgangsfólkum sprongdust og næstu dagarnar eisini hundraðtals walkie-talkies.

Tilsamans kostaðu atsóknirnar yvir 30 fólkum lívið, harav fyrst og fremst yvirgangsfólkum, og útivið 3.000 fingu løstir, teirra millum eisini sivilfólk.

Beinanvegin varð gitt, at ísraelskar fregnartænastur stóðu aftan fyri atsóknirnar, ið skuldu vera fyrireikaðar í fleiri ár, men ikki fyrr enn nú hevur Ísrael átikið sær ábyrgdina fyri tær.