Fleiri grundstykkir í Sundalagnum

Talan er um trý byggibúgvin grundstykkir, sum eru í Hvalvík, á Oyri og á Langasandi. 

Tað skrivar kommunan á síni heimasíðu. 

Sunda kommuna samtykti á býráðsfundi í februar í ár at taka grundstykkir innaftur, sum fólk ikki ælta at byggja á kortini, og selja tey aftur. 

Grundstykkini verða alment sett til sølu mánadagin 2. desember á middegi á heimasíðuni hjá kommununi. Kostnaðurin er 795 krónur fyri fermeturin. Grundstykkini eru millum 516 og 611 fermetrar. 

Sunda kommuna sigur, at næsta ár verða enn fleiri byggibúgvin grundstykkir sett til sølu. Tey eru í Hósvík, Hvalvík og við Norðskála.