Watson vil hava løgmálaráðharran at taka avgerð

Paul Watson situr framvegis í varðhaldi í fongslinum í Nuuk og bíðar eftir, at Danmark ger av, hvat skal henda við sær.

Nú eru tríggir mánaðir síðani, at hann var handtikin.

Grønlendska útvarpið hevur vitjað Watson í varðhaldinum.

- Varðhaldsfongslinin verður longd tríggjar vikur hvørja ferð. Tey hava alt skjalfest, og hava øll prógvini. Tey hava alt, sum er neyðugt at taka avgerð, sigur Watson.

Watson var handtikin, tí Japan hevði givið altjóða boð um at handtaka hann.

Japan vil hava hann útflýggjaðan, so hann kann koma fyri rættin í sambandi við ein átak í 2010 at steðga hvalaveiði í Antarktis.

Sambært japanskum myndugleikum fekk ein av manningini  á einum hvalaveiðiskipi skaða.

Paul Watson sigur, at einki hald er í skuldsetingini, og at málið er blást upp.

Hoyr innslag í útvarpstíðindunum:

Watson skal í rættin aftur 4. desember.