Tvøroyri dyrgir eftir ungum starvsfólkum

Fríggjadagin 27. desembur fer Tvøroyrar kommuna á fyrsta sinni at skipa fyri einum starvsdegi.

Hetta er ein dagur, har starvssøkjandi, lesandi og onnur við áhuga kunnu støkka inn á gólvið og práta við umboð fyri vinnurekandi og stovnar í Tvøroyrar kommunu.

Ætlanin er, at fólk skulu fáa meiri at vita um hesi støð og fáa sett andlit á fyritøkuna ella stovnin og tí fáa eina betri fatan av, hvørjir starvsmøguleikar eru á staðnum.

 - Tey, sum leita sær eftir starvi ella ikki ordiliga vita, hvat tey skulu gera eftir loknan lestur, kunnu koma ein túr á Seglloftið at heilsa upp á vinnurekandi og stovnar her í kommununi, sigur Bjarni Nygaard, trivnaðarfólk í Tvøroyrar kommunu.

 - So kunnu tey fáa betri innlit í, hvat hesi støðini hava at bjóða, og hvat tey kanska kunnu fara at takast við, tá tey eru liðug at lesa, sigur Bjarni Nygaard.