Rumenia og Bulgaria eru nú eisini Schengen-lond

Á midnátt gjørdust Rumenia og Bulgaria partur av Schengen-samstarvinum, eftir at hava bíðað eftir tí í 13 ár.

Hóast londini bæði hava eftirlíkað øllum krøvum, hevur limaskapurin drigið út, tí onnur ES-lond hava sett seg ímóti tí.

Ivi hevur verið sáddur um, um Rumenia og Bulgaria, sum eru tvey av teimum fátækastu londunum í ES, eru før fyri at halda reglurnar, um at tryggja ytstu mørkini í Schengen-økinum.

Serliga hevur Eysturríki mutað ímóti, men slepti í desembur mánaði sýtingarrættinum, eftir at Eysturrík hevði gjørt avtalu um vernd av mørkum við londini bæði.

Schengen-økið varð sett á stovn í 1985, og fevnir um 25 av teimum 27 limalondunum í ES, umframt Sveis, Noreg, Ísland, Føroyar og Liktinstein.

Í Schengen-økinum, sum fevnir um meira enn 420 milliónir fólk, er einki marknaeftirlit.