Ætla at gera broytingar í tingskipanini

Líkt er til, at broytingar eru á veg í tingskipanini.

Bjørt Samuelsen, løgtingsforkvinna, hevur biðið flokkarnar á tingi um at velja umboð í ein arbeiðsbólk, sum skal kanna møguleikarnar fyri at gera broytingar í tingskipanini.

- Eitt nú skal bólkurin kanna, um heimildirnar hjá teimum ymsu løgtingsnevndunum eiga at verða broyttar, sigur Bjørt Samuelsen, løgtingsforkvinna.

Ætlanin er, at arbeiðsbólkurin skal fara til verka í februar.

Í lesarabrævi í gjár vísir Liljan Weihe, tingkvinna, á veikleikar í føroysku tingskipanini, tí tingskipanin ger tað trupult hjá løgmanni og landsstýrisfólkum at kunna tingið.

Bjørt Samuelsen heldur, at tað eru eisini aðrir partar av tingskipanini, sum treingja til verða eftirmettir.

Hoyr innslag í útvarpstíðindunum: