Ov dýrt í Klaksvík og á Sandi

Stór akfør, tað vil siga lastbilar, bussar og trailarar, verða ikki longur sýnað í Klaksvík og á Sandi.

Hesi akførini skulu ístaðin sýnast í Saltangará, á Tvøroyri, í Sørvági og í Havn.

Hetta er fyri at tryggja, at sýnini eru einsháttað, skrivar Akstovan í fráboðan.

Tað kostar ov nóg at fáa neyðuga útgerð til Klaksvíkar og Sands, sigur Andrass Robertsson Marr, stjóri í Akstovuni.

Ongar uppsagnir

Broytinin er galdandi fyri akfør yvir 3.500 kg og kemur í gildi 27. februar.

Akstovan skrivar, at broytingin hevur ikki við sær uppsagnir av starvsfólki.