Springaraveiðan í ár verður nú ásett

Nú verður ásett, hvussu nógvir springarar kunnu haldast til í ár.

Grindamannafelagið fer á fund við landsstýrismannin í fiskivinnumálum í morgin, har veiðan verður ásett eftir tilmæli frá NAMMCO um burðardygga veiðu.

NAMMCO er Norðuratlantsnevndin fyri umsiting av havsúgdjórum.

Eingin kvota í fjør

Eingin kvota var í fjør, men í 2022 vóru broytingar gjørdar í grindakunngerðini, og fyri 2022 og 2023 var í mesta lagi loyvt at veiða 500 skjórutar springarar um árið.

Hámarkið kom í sambandi við eftirmetingina av springaradrápinum í Skálafirði í 2021, tá ið 1.423 springarar vórðu hildnir til.

Sambært heimasíðuni Heimabeiti vóru 150 springarar hildnir til í fjør.

Fundurin verður í Fiskimálaráðnum í morgin kl. 9.