Bara tvær umsóknir

Bara tvær umsóknir komu til starvið sum leiðari í Mentanarhúsinum í Fuglafirði.

Og Rønn Eliasen, leiðara á mentanarøkinum, sigur, at tey hava avgjørt, hvør skal fáa starvið.

Men tey hava ikki seinasta orðið.

Tað hevur býráðið.

Og tað verður væntandi sagt á býráðsfundinum 28. februar.

Ikki fyrr enn tá verður kunngjørt, hvør er settur í leiðarastarvið.

Hóast bara tvær umsóknir komu, verður starvið ikki lýst leyst av nýggjum, sigur Rønn Eliasen, tí umsóknirnar, sum komu, eru so góðar.

Leiðarin skal byrja 1. apríl.

Síðani januar í fjør hevur Jón Tyril verið virkandi leiðari í Mentanarhúsinum í Fuglafirði.