Danmark brúkar 50 milliardir til verju

Orsøkin til grunnin er ótti fyri einum møguligum evropiskum stórkríggi og útlitini fyri, at NATO gerst veikari.

Sambært keldunum hjá DR, verður hesin serligi grunnur nevndur "accelerationsfonden", og skal hann fáa sett ferð á vejuna av Danmark, nú tíðirnar eru vorðnar ótryggar.

Danski verjumálaráðharrin, Troels Lund Poulsen hevur í grein í Jyllands Posten mánadagin váttað, at neyðugt er, at Danmark í skundi styrkir sína verju, og at tey tí, fyri at arbeiða skjótt, fara at keypa útgerð uttan um vanligu reglurnar hjá ES um útboð.

Sambært keldunum hjá DR, so fer danski staturin at brúka 25 milliardir krónur úr nýggja grunninum í ár og 25 milliardir næsta ár. Millum annað skal loftverjuútgerð keypast, sum Danmark als ikki hevur í løtuni.