Kreppufundurin í París er byrjaður

Kreppufundurin í París er byrjaður

Fyri løtu síðani tók franski forsetin, Emmanuel Macron, ímóti evropisku leiðarunum, sum eru komnir á kreppufund um støðuna í Evropa og støðuna millum Evropa, USA og Russland

Fundurin verður hildin á Élysée borgini hjá franska forsetanum. Umframt fleiri av stjórnarleiðarunum í Evropa, eru umboð fyri ES og NATO eisini við á fundinum.

Franski forsetin, Emmanuel Macron, hevur tosað við amerikanska forsetan, Donald Trump, nú áðrenn evropiska fundin. Men hvat teir tosaðu um, er óvist í løtuni.

Sí videobrot frá AP-tíðindastovuni: