At vera Vera: Nýggjur útvarpsleikur í barnaútvarpinum

Útvarpsleikurin At vera Vera, sum Elin á Rógvi hevur skrivað, er nú at hoyra í barnaútvarpinum hvønn gerandismorgun. Í 14 pørtum hoyra vit spennandi søgu um Veru, sum gongur í miðdeild í skúlanum á Argjahamri. Vera er stuttlig, djørv og hevur eitt frásøgufólk, sum hon kallar Frá.

Til nýggja sangin, sum er gjørdur til leikin, ber illa til at sita í frið – her er nýggi TikTok-dansurin til lagið – kom og dansa!

Høgni Fagraberg hevur gjørt lagið, spælt tónleikin inn og framleitt.

Søgan er ætlað teimum, sum ganga í miðdeild. Hon snýr seg um teirra veruleika. Tey eru saman á telefonum, og teirra samskifti er talgilt. Tey vaksnu taka avgerðir, men børnini vilja sanniliga hava ávirkan á egnan gerandisdag. 

At vera Vera er á kvf.fo/ljod/vit.

#atveravera