Eiga at læra okkum matró

Tað smakkar so væl. Eg veit ikki, nær eg fái hetta aftur. Henda løtan er so hugnaligt, at eg eti bara meir.

Vit kenna tað øll. Vit sita við døgurðaborðið og eta ein góðan bita. Vit eru mett, men av ymiskum orsøkum eta vit meir - kanska fleiri tallerkar afturat.

- Tað er ikki gott fyri heilsuna, um vit ov ofta eta alt ov nógv, og tí er umráðandi, at vit hugsa um góðar vanar í sambandi við máltíðirnar og læra okkum matró, sigur Sølva Jansdóttir Joensen. Umframt at vera yrkisbachelor í føðslu og heilsu er hon eisini vana- og ovátsvegleiðari.

-  Tað snýr seg um at vera til staðar undir máltíðini. Tankarnir um mat og mongdina eiga ikki at fylla í sambandi við máltíðina, sigur Sølva Jansdóttir Joensen.

Í morgunsendingini greiðir hon frá ováti og gevur góð ráð.