Eitt av líkunum kann ikki eyðmerkjast

Fyrstu líkini av ísraelskum gíslum, sum Hamas tók 7. oktober 2023, vóru í gjár útflýggjað Ísrael.

Talan er um fýra lík.

Men sambært ísraelska herinum, kann eitt av líkunum ikki eyðmerkjast. Tað vísa rættarlæknafrøðiligar kanningar.

Líkini, sum skulu latast Ísrael, eru partur av semjuni um vápnahvíld í Gasa, sum var gjørd í síðsta mánað, við stuðli frá USA.

Ísrael skuldi, sambært avtaluni, fáa líkini av 32 ára gomlu Shiri Bibas, og báðum synum hennara, og einum eldri manni. 

Ísraelskir gíslar, lík av ísraelskum gíslum

Líkini, sum skulu latast Ísrael, eru partur av semjuni um vápnahvíld í Gasa. (Mynd: Reuters/Ritzau Scanpix)

Ikki ísraelskur gísli

Men ísraelski herurin sigur, at líkið av mammuni er ikki við. Ísraelar vilja vera við, at talan er als ikki um ein ísraelskan gísla yvirhøvur.

Hamas sigur, at líkið, sum skuldi vera av 32-ára gomlu kvinnuni, er helst komið í bland við aðrar menniskjaleivdir, í sambandi við eitt ísraelskt álop, skrivar Reuters.

- Ísrael metir hetta sum grovt avtalubrot, sigur Nanna Muus Steffensen, tíðindafólk hjá DR í Miðeystri. 

Shiri Bibas og synir hennara eru sjálv ímyndin av tí hjartaloysi, sum Hamas vísti í yvirgangsálopinum 7. oktober 2023, tá familjan var tikin til gísla, sigur hon. 

Sí videobrot frá DR her: