Vit spæla føroyskt

Aftur í ár fer útvarpið at spæla føroyskan tónleik burturav í eina heila viku, og í Góðan morgun Føroyar fara lurtararnir hjá Kringvarpinum at velja "Ársins útvarpshitt 2024". 

Tónleikasamband Føroya samskipar konsertir, framløgur, felagssang o.a. kring allar Føroyar, sum kommunur, skúlar, stovnar, fyritøkur, konsertfyriskiparar o.o. fara at skipa fyri í "Spæl føroyskt"-vikuni. Skráin sæst á Facebook-vanganum hjá Spæl føroyskt. 

Eisini hesa ferð verða "Spæl føroyskt-tíðindi" dagliga í útvarpinum eftir høvuðstíðindini á døgurða. Eyðfinn Jensen verður vertur í sendingini, sum fer at varpa ljós á tónleikatiltøk og konsertir í vikuni við samrøðum og tónleiki.