Stýrið ivast í ábyrgd fyri tapi

Stýrið ivast í ábyrgd fyri tapi
Stýrið hjá Íleggingargrunnium heldur, at tað eigur at vera tilskilað í lógini, at stýrið ikki kann ábyrgjast eftir vanligu reglunum um tapsváða
Vága floghavn skal útbyggja fyri 1,4 milliard næstu árini.
 
11.03.2025 - 07:42


Stýrið í Íleggingargrunninum ivast í uppskotinum hjá landsstýrinum um at lata Vága floghavn 350 mió. kr. og Suðuroyartunlinum 350 milliónir úr grunninum. 

Stýrið heldur, at tað eigur at vera tilskilað í lógini, at stýrið ikki kann ábyrgjast eftir  vanligu reglunum um tapsváða í sambandi at geva Vága floghavn og Suðuroyartunlinum rentu- og avdráttarfrí lán.

Løgmansskrivstovan, sum eigur uppskotið, heldur, at samtykkir løgtingið uppskotið, so er eisini undirskilt, at grunnurin tekur á seg størri váða fyri tapum enn annars.

Tí kann stýrið heldur ikki ábyrgjast eftir teimum vanligu reglunum í sambandi við hesi lán.

Stýrið nevnir eisini orðini í lógarupskotinum um, at aðrir fíggingarstovnar kunnu læna teimum pengar, sum annars læna frá Íleggingargrunninum, tí Íleggingargrunnurin fer í nøkur ár ikki at kunna geva lán.

Stýrið sigur, at aðrir fíggingarstovnar í landinum heita javnan á Íleggingargrunnin um at vera við til at fíggja stórar verkætlanir.

Og áhugin hjá útlendskum lánveitarum kann skjótt minka, um búskaparstøðan í Føroyum versnar.

Um hetta hevur Løgmansskrivstovan ongar viðmerkingar í lógaruppskotinum.   
 

Er kopiera
Nýggjastu sendingar í ÚV
Mikudag 18. november
Vágskálin: Frá Jóannesi bónda til Frú S
216535
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Mannakor og korona 1:4
216604
Nýggjastu sendingar í SV
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486